Kyzylorda-News.kz

ҚР Президенті Н.Ә.Назарбаевтың «Қазақстандықтардың әл-әуқатының өсуі: табыс пен тұрмыс сапасын арттыру» атты 5 қазандағы Қазақстан халқына Жолдауын талқылау мақсатында облыстық ақпараттық насихаттық тобының жетекшісі облыстық мәслихатының хатшысы Наурызбай Байқадамов және облыстық ақпараттық насихаттық топтың мүшесі Қызылорда «Сыр медиа» ЖШС-нің бас директоры Аманжол Оңғарбаев Бөген ауылдық округінде болып, тұрғындармен кездесті.

     Күн тәртібіндегі мәселе бойынша алдымен  Қызылорда облыстық ақпараттық насихаттық тобының жетекшісі Наурызбай Байқадамов Елбасының Қазақстан халқына Жолдауының басым бағыттарын жиынға қатысушыларға баяндап өтті.

Ауылдық  ардагерлер кеңесінің төрағасы Әбдікәрімов Әділхан және Қарашалаң елді мекенінің тұрғыны  Оспанов Оразбай Елбасы Жолдауы жайында пікірлерін білдіріп, елді мекендегі кейбір мәселелер жөнінде ұсыныстарын жеткізді.

Бұдан кейін Қызылорда облыстық мәслихатының хатшысы Н.С.Байқадамов сөз алып, жиынды қорытындылады. Айтылған ұсыныс-пікірлер назарда болатындығын айтты.