Kyzylorda-News.kz

Елбасымыз Н.Ә. Назарбаев Қазақстан халқына арнаған кезекті Жолдауында денсаулық сақтау саласына да ерекше басымдық берді. Әсіресе, 2019 жылдың бірінші қаңтарына бастап медицина қызметкерлерінің жалақысын 20 пайызға көбейту туралы айтқан сөзі сала мамандарына ерекше қуаныш сыйлады.

Президент сондай-ақ, әрбір дәрігердің жаңа әдіс-тәсілдерді енгізу қабілетіне баса назар аударылуына, жергілікті жердегі медициналық –санитарлық көмекті күшейту қажеттігіне тоқталды.

Сонымен қатар, келесі жылы еліміз бойынша медицина саласына 5 млрд теңге қаржы бөлінетіндігін атап өтті. Әрине, мұның бәрі отандық медицинаны дамытып, халықтың денсаулығын жақсартуға, өмір сүру жасын ұзартуға арналған байыпты бастама, дұрыс шешім.