Kyzylorda-News.kz

 

Қызылорда облыстық ардагерлер кеңесінің бастамасымен сырдариялық 20 ардагер Астана қаласына сапарлап, бас шаһардың көрікті жерлерімен, тарихи орындарымен танысып келді.

Ардагерлер құрамында түрлі салада еңбек еткен зейнеткерлер және әскери борышын Семей полигоны аймағында өтеген азаматтар болды.

Ардагерлер сапар барысында арнайы автобуспен қаланың көрікті жерлерін, тарихи орындарды аралады. Атап айтқанда, «Әзірет Сұлтан» мешітінде, ұлттық мұражайда, «Ғарыш қалашығында», «Бәйтерек» монументінде және түрлі әлеуметтік-мәдени нысандарда болып, егемен елдің өткен тарихымен қоса бүгінгі жетістіктерімен танысты.

Екі күнге созылған сапарда бас қаланың сәулетті нысандарын аралаған ардагерлердің саяхатты ұйымдастырушыларға алғысы шексіз.