Kyzylorda-News.kz

Жаңа оқу жылы басталуына орай жастар мен жасөспірімдер арасында қылмыс пен құқық бұзушылықтың алдын-алу, колледж және орта мектептердің қабырғаларында кәмелетке толмағандардың бірін-бірі бопсалау, тонау, топтасып төбелесу деректерін болдырмау, кәмелетке толмағандар арасындағы қоғамда  теріс  пікір тудыратын  түрлі заңға қайшы әрекеттерге дер кезінде тосқауыл қою мақсатында Қызылорда ОІІД Жергілікті полиция қызметінің ұйымдастыруымен қыркүйектің 20-мен 22-күндері аралығында облыс көлемінде «Студент» атты жедел профилактикалық  іс-шарасы өткізіледі.

Шара барысында облыс көлемінде кәмелетке толмағандармен және оларға қарсы жасалатын қылмыстардың алдын-алу, болдырмау, өзімен бірге суық қаруларды алып жүретін студенттер мен оқушыларды, кәмелетке толмағандарға теріс тәрбие беретін ата-аналар мен ересектерді анықтау, сонымен қатар қоғам назарынан тыс қалған қолайсыз отбасыларды анықтап, ішкі істер органдарының профилактикалық есебіне қою, кәмелетке толмаған балаларына қатыгездік көрсететін, олардың тәрбиесімен айналыспайтын отбасыларды анықтау  бағытында жұмыстар атқарылатын болады.