АУРУ – АСТАН
Бұған дейін белгілі болғандай 6 маусым мен 6 тамыз аралығында екі айлық «Қауіпсіз тағам таңда» атты акциясы жарияланып, Қызылорда қаласы мен аудандардың ірі сауда орталықтарында өткізілген болатын. Шараға жедел ішек инфекциялары, тағамнан улану, ботулизм ауруларының алдын алуда жергілікті қоғамдық денсаулық сақтау мамандары жұмылдырылған.- Акция барысында Қызылорда облысы қоғамдық денсаулық сақтау департаменті мен қалалық ҚДС басқармасының, ҚР ДСМ ҚДСК ШЖҚ «Ұлттық сараптама» орталығының мамандары халықтың санитариялық-эпидемиологиялық салауаттылығы саласында түсіндірме жұмыстарын жүргізді. Сонымен қатар әрбір тұтынушы өзі сатып алған өнімдерінің сапасын санитариялық нормативтерге сәйкестігін тегін тексеруге мүмкіндік алды, - дейді облыстық қоғамдық денсаулық сақтау департаментінің басшысы Ұлболсын Аханаева.
Айта кетейік, жыл басынан бері облыс көлемінде тағамнан улану ауруларының алдын алу тақырыбында 18 семинар, 8 дөңгелек үстел, 24 акция өткізілген.
