ЖОЛ БОЙЫНДАҒЫ ҚЫЗМЕТ КӨРСЕТУ ОРТАЛЫҚТАРЫНА СҰРАНЫС ЖОҒАРЫ
«Батыс Қытай – Батыс Еуропа» автодәлізінің Қармақшы ауданы аумағымен өтетін бөлігінің бойында 3 нысан қызмет көрсетіп келді. Бұл қызмет көрсету орталықтары 2014-2016 жылдарда іске қосылған жобалар.Бұл туралы аудан әкімі Сұлтан Мақашов баспасөз мәслихатында мәлім етті.
2017 жылдың қараша айында ІІІ-Интернационал ауылы тұсынан жеке кәсіпкер Рагибова Гукчактың «С» санатты қызмет көрсету пункті іске қосылды. Жоба құны – 350 млн теңге. Жұмыспен қамтылғандар саны – 25 адам. Қазір орталықтық қызметіне сұраныс жоғары. Нақты кезеңде халықаралық автожолдың бойында жолаушыларға түрлі деңгейде қызмет көрсететін сервистік кешеннің саны – төртеу. Осы орталықтар халықаралық дәліздің бойындағы автокөлік жүргізушілері мен жолаушыларға қолайлы қызмет көрсетуде.
Бұған қоса, биылғы жылға тағы 2 жоба облыс әкімі жанындағы қала-құрылыс кеңесінің қарауына ұсынылды.
