Kyzylorda-News.kz

Қызылорда ОІІД Жергілікті полиция қызметі мен бала тәрбиесіне мүдделі мемлекеттік органдардың өкілдерімен мобильдік топтар құрылып,  оқушылар мен студенттер арасындағы құқық бұзушылық пен қылмыстық іс-әрекеттердің алдын алуды түсіндіру бағытындағы кездесулер облыс бойынша білім беру ұйымдарында жүргізілуде.    

Аталған кездесулердің мақсаты - кәмелетке толмағандардың арасындағы және оларға қарсы жасалатын қылмыстар мен құқық бұзушылықтардың алдын алу, олардың құқықтық сауаттылығын арттыру болып табылады.

Облыс орталығында орналасқан 6 колледж, оның ішінде И.Әбдікәрімов атындағы Қызылорда аграрлы-техникалық колледжі, Болашақ университетінің колледжі, Абылайхан атындағы жоғары колледжі, көпсалалы Ұлағат колледжі, Болашақ медицина колледжі және Қызылорда медициналық жоғары колледжі студенттерімен кездесу өтіп, ОІІД Жергілікті полиция қызметінің тапсырысымен арнайы дайындалған бейнеролик көрсетілді. Сондай-ақ, студент жастармен пікір алмасып, сұрақтарға толыққанды жауаптар берілді.

Мұндай кездесудер облысымыздың барлық колледждері мен мектептерінде қыркүйек айының соңына дейін жалғасады.