АУДАНДАРДА ГАЗДАНДЫРУ ЖАЛҒАСУДА
Нақты кезеңде облыс халқын газдандыру бағытындағы жұмыстар өз жалғасын табуда. Аймағымыздағы елді мекендер тұрғындарын газбен жабдықтау үшін оларды «Бейнеу-Бозой-Шымкент» магистралды газ құбырына қосу жұмыстары жүргізілуде.Қармақшы ауданы тұрғындарына табиғи газдың игілігін көруге аз уақыт қалды. Ол үшін республикалық бюджеттен 892,3 млн теңге, облыстық бюджеттен 99 млн теңге қаржы бөлінді. Бұл туралы өңірлік коммуникациялар қызметінде өткен баспасөз мәслихатында аудан әкімі Сұлтан Мақашов мәлімдеді.
Қазіргі таңда мердігер мекемемен келісімшарт жасалып, 14,8 шақырым болатын жоғарғы қысымды газ құбырларының құрылыс-монтаж жұмыстары жүргізілілуде. Ал автоматтандырылған газ тарату стансасының құрылысы мамыр айында аяқталды. Құрылысты жүргізген мердігер мекеме – «ТрансАзияКонстракшн» ЖШС-гі.
