Kyzylorda-News.kz

 

    Жуырда  Ә.Тәжібаев атындағы облыстық  әмбебап ғылыми  кітапханасы оқу  залы бөлімінің ұйымдастыруымен   «Жауқазын - ғұмыр» жас  ақын-жазушылар клубының жобасы  бойынша оқу орындары арасында «Таланттыларды іздейміз» атты әдеби сайыс өтті.
    Әдеби сайыстың мақсаты   жастармен жақынырақ танысып,  жаңа толқын шығармашылығына демеу беріп,  рухани - әдеби ортаның аясын кеңейту, жалпы жұртшылықтың кітап оқуға қызығушылығын арттыру.
    Байқауға қатысушылар жүргізушілер сайысы, көркем сөз оқу шеберліктен және әдеби көріністерден бақ сынасты.
    Сайыс қорытындысында  жүргізушілер сайысында Лаура Нұрбек топ жарды. ІІ-орынды Ақтоты Арынова  иеленсе, ІІІ- орынды Аружан  Рахишева алды. Көркем сөз оқу шеберлерінің сайысында  І-орын Байтенова Айжанға бұйырды. ІІ-орынды Жадыра Жанкараева  ІІІ-орынды Жұлдыз Қалжан  мен Динара Ұзақбай иеленді. Әдеби көрініс көрсетуде «Тәуелсіздік қанатымның қиялы» қойылыммен «Ақмешіт» институты дараланды. ІІ-орынды  «Ерке қызға құда тұсу» қойылымымен «Өркениет» медициналық колледжі иеленді.
    Шара соңында қатысушылар марапатталып, естелік сыйлықтар табысталды. Кітапханаға жаңа оқырмандар тіркеліп, «Жауқазын-ғұмыр» клубы жаңа жас таланттармен  толықты.
    Фариза ОМАРОВА