Kyzylorda-News.kz

Облыс әкімдігі, «Нұр Отан» партиясының облыстық филиалы, облыстық Қоғамдық кеңес және «Атамекен» Ұлттық Кәсіпкерлер палатасының бірлескен шешімімен «Жаппай кәсіпкерлікті қолдау» жылы 3 жылға ұзартылғаны белгілі.

Осы «Жаппай кәсіпкерлікті қолдау» жылы аясында Сырдария  ауданында «Кәсіпкерлікті дамытудың жол картасы» әзірленіп, бірқатар нақты жұмыстар атқарылуда.

Қазіргі таңда шағын және орта бизнесті дамытуда оң динамика қалыптасты. Аудан бойынша үстіміздегі жылдың 1 тамызына 2142 шағын және орта кәсіпкерлік субъектілері  тіркеліп, өткен жылдың осы кезеңімен салыстырғанда тіркелген кәсіпкерлік субъектілерінің саны 2,6 пайызға өсті. Жұмыспен  қамтылған адам саны 5185.

Сырдария ауданы әкімі Ғанибек Қазантаевтың айтуынша ішкі туризмді дамыту мақсатында Тереңөзек кентінде орналасқан «Қалғандария 2» көлінде демалыс жағажайы ашылған.  Осы жағажайды ашуға «Эко құрылыс Проджект» ЖШС-і өз қаражаты есебінен 11 млн. теңге қаржы салып, 5 адамды жұмыспен қамтып отыр. Жағажай бір мезетте 60 адамға қызмет етеді.

- Сырдария ауданының 2016-2020 жылдарға арналған «Даму» бағдарламасы аясында кент және ауылдық округтер бойынша құны 3 млрд. 282,2 млн. теңгені құрайтын 141 жоба  бекітілді,  ашылатын жұмыс орны 557. 2018 жылы құны 259,3 млн. теңгені құрайтын 35 жоба жүзеге асырылады деп жоспарланды. Ашылатын жұмыс орнының саны – 80. Қазіргі таңда 63,3 млн. теңгені құрайтын 15 жоба жүзеге асырылып, 22 жұмыс орны ашылды, - дейді аудан басшысы.

Сонымен қатар, «Микробизнес-Қызылорда» бағдарламасы бойынша «Өңірлік инвестициялық орталығы» микро қаржы ұйымы ЖШС арқылы 99,1 млн.   теңгенің 31 жобасы қаржыландырылды.

«Бизнестің жол картасы-2020» бизнесті  қолдау  мен  дамытудың бірыңғай бағдарламасының пайыздық  мөлшерлемелерін субсидиялау тетігі бойынша құны 66,8 млн. теңгенің 3 жобасы екінші деңгейлі банкттер тарапынан қаржыландырылды. Бүгінгі күнге құны 78,0 млн. теңгенің 4 жобасы екінші деңгейлі банктерде қаралуда. Құны 20,0 млн. теңгені құрайтын  2  жоба  бойынша қажетті құжаттар банкке  ұсыну үшін  дайындалып жатыр.

Бағдарламаның грант тетігі бойынша құны 202 млн. теңгенің 132 жобасы конкурстық комиссияның  қарауына  ұсынылып, құны 21,5 млн. теңгенің 28 жобасы комиссияның оң  қорытындысын алып, қаржыландырылуда.

Аудандық кәсіпкерлік  палатасы  арқылы 110 азамат «Бизнес-Кеңесші» курсын оқыды. «Бастау-Бизнес» жобасы  бойынша  облыс тарапынан 130 адамды оқыту белгіленді. Оқу курстарынан өтетін  азаматтардың кент, ауылдық округтер бойынша бөлінісі  жасақталды. Қазіргі таңда «Бастау-Бизнес» жобасы  бойынша 62 адам оқытылды.

- Есепті кезеңде «Облыстық кәсіпкерлерге қызмет көрсету» орталығының аудандағы өкілдігі тарапынан кәсіп ашуға ниетті азаматтарға барлығы 191 кеңестер мен қызмет көрсетілді.  

«Еңбек» нәтижелі жұмыспен қамту және жаппай  кәсіпкерлікті  дамыту» бағдарламасының екінші  бағыты бойынша кепілдігі толық қамтамасыз етілген 170,6 млн.теңгенің 54 жобасы қаржыландырылды.

Ашылған жаңа жұмыс  орындары 70. Қосымша  аталған  бағдарлама  арқылы  құны 70,0 млн. теңгенің 32 жобасы қаржыландырылуда, - дейді аудан әкімі Ғанибек Қазантаев.