БАЛАЛАРҒА ҚУАНЫШ СЫЙЛАҒАН МАРАФОН

Марафонға қатысушылар қаламыздағы ҚР Тұңғыш Президент саябағынан Сұлтан Бейбарыс, Тәуелсіздік, Есенов көшелері арқылы Ғани Мұратбаев атындағы орталық стадионға дейін жүгіріп өтті.
Айта кетейік, көрсетілген көмектердің басым үлесі кәсіпкерлер мен бизнес-құрылымдар арқылы жасалынды. Шараның өткізілуі барысында үкіметтік емес ұйымдар белсенділік танытып қатысты.
Аталған қайырымдылық марафонының өткізілуіне «Жомарт» қайырымдылық қорының зор үлес қосқанын ерекше атап өткен жөн.
Қайырымдылық марафонына мемлекеттік мекеме қызметкерлерімен, қала тұрғындары белсенді қатысып, марафон жеңімпаздар дипломдармен марапатталады.
Марафон қатысушыларынан жиналған қаржы көмекті қажет ететін аз қамтылған отбасылардың балаларына жұмсалады.
Еске сала кетейік, «Мектепке жол» жалпы республикалық акциясы балаларға қуаныш сыйлап, олардың әлеуметтік белсенділігін арттыруға қолдау көрсететін игі шара.
