ҚУАНСА, БАЛА ҚУАНСЫН
Қайырымдылық – мұқтаж жандарға көрсетілетін нақты көмек, ізгіліктің анық көрінісі адамның асыл қасиеті. Кісінің айналасындағы адамдарға танылатын тамаша қыры да қаншалықты қайырымды екендігінен байқалады. Жүрегінде иманы бар жұрт осы өмірдегі қасиетті парыздың бірін қайырымдылық деп біледі.Бүкіл респбликамыздың түкпір-түкпірінде 1 тамыз бен 30 қыркүйек аралығында "Мектепке жол" қайырымдылық акциясы өткізілуде.
Елбасының бастамасымен қолға алынып, республика көлемінде өтетін жыл сайынғы «Мектепке жол» қайырымдылық акциясын Қызылорда облысы бойынша ҚАЖ департаментіне қарасты ЗК-169/1, ЗК-169/4 және ЗК-169/5 мекемелерінің ұжымдары «Балаға – мейірім сыйла!» үндеуімен өткізді.
Аталған акция барысында әлеуметтік көмекті қажет ететін және көпбалалы отбасынан шыққан 10 оқушыға мектепке керекті оқу құралдары салынған сөмкелер мен оқушылар киімін табыс етті.
Шарапаты мол сауапты шара аясында көмек алған балаларының жүзіндегі қуанышты көрген ата-аналар ұйымдастырушыларға алғыс білдіріп, ризашылықтарын жеткізді.
