ҚР ПАРЛАМЕНТІ МӘЖІЛІСІНІҢ ДЕПУТАТЫ СЫРДАРИЯ АУДАНЫНДА
ҚР Парламенті Мәжілісінің депутаты, «Нұр Отан» партиясы депутаттық фракциясының мүшесі Балайым Кесебаева Сырдария ауданына іс сапармен барды.Халық қалаулысын аудан әкімінің орынбасары Димаш Байдушев пен аудандық партия филиалы төрағасының бірінші орынбасары Еркебұлан Жақып қарсы алды. Балайым Кесебаева алдымен Қалжан ахун ауылында азаматтарды жеке мәселелерімен қоғамдық қабылдау жасап, заң аясында өз шешімін табуына үлесін қосатындығын жеткізді.
Мұнан соң, Сырдария ауданының орталығы Тереңөзек кентіне кіреберісінен бой көтеріп келе жатырған 18 және 24 пәтерлі 2 көпқабатты тұрғын үй құрылысымен танысты.
Келесі кезекте, Сырдария аудандық Ішкі істер бөлімінің мәжіліс залында құқық қорғау органы қызметкерлерімен кездесу өткізді. Кездесуде осы саладағы жаңалықтармен бөлісті.
Жиыннан кейін аудан орталығы Тереңөзек кентіндегі «Парасат» алаңы мен «Еңбек даңқы» музейінің жұмысымен танысты.
