ЖАҢА МЕШІТТІҢ ІРГЕТАСЫ ҚАЛАНДЫ
Кеше қаламыздың батыс бөлігінде Ақмешіт шағын ауданындағы М.Саламатов көшесінің бойынан 300 орындық жаңа мешіттің іргетасы қаланды. Бұл қуанышты сәтті Ақмешіт, Мерей шағын аудандары мен онымен іргелес жатқан Шымбай, Рисмаш қоныстарының тұрғындары көптен бері күткен еді.
Жаңа мешіттің алғашқы іргетасын қалау рәсіміне облыстық мәслихат хатшысының міндетін атқарушы Нұрмұрат Ерманов, облыстық ардагерлер кеңесінің төрағасы Сейілбек Шаухаманов, Қазақстанның Еңбек Ері, «Абзал және Комания» толық серіктестігінің директоры Абзал Ералиев, Мүсірәлі баба атындағы қордың басшысы Сәмит Далдабаев және «Ақмешіт-Сырдария орталық мешітінің бас имамы Талғат Омаров қатысып, ел ағалары аталған шағын ауданда имандылық үйін салу мәселесі көптен бері күн тәртібінде тұрғанын, имандылыққа бет бұрған азаматтарымыз да күн санап көбейіп келе жатқанын, мұндай рухани орынның қаламыздың осы бөлігіне тұратын халыққа аса қажет екендігін жеткізді.
Имандылық үйінің құрылысына демеушілік жасап отырған Қазақстанның Еңбек Ері, кәсіпкер Абзал Ералиевтің айтуынша, жаңа мешіттің жоба-үлгісі Алматы қаласында әзірленген. Жалпы, мешіт дәстүрлі ислам үлгісінде салынбақшы. Рухани орынмен іргелес имамдарға арналған қосымша екі қабатты ғимарат бой көтереді. Аталған имандылық үйі пайдалануға берілген кезде классикалық ислам үлгісінде салынған мешіт аталған шағын ауданның архитектуралық келбетіне өзіндік сән қосып, «Ақмешіттің» ажарын одан әрі айшықтай түсері даусыз. Жобаның жалпы құны – 155 млн. теңгені құрайды. Жоспар бойынша, имандылық үйінің құрылыс жұмыстары 2015 жылдың көктемінде басталып, ол жыл соңына дейін тұрғындардың игілігіне беріледі деп күтілуде.
– Бұған дейін Ақмешіт, Мерей аудандарында мешіт болған жоқ. Ал, мұнда тұрғындар саны 25 мыңнан асады. Осы олқылықтың орнын толтыру мақсатында игі жұмысты қолға алып отырмыз. Құрылысшылар құрылыс жұмыстарын сапалы жүргізіп, рухни нысанды дер кезінде пайдалануға береді деген сенімдемін, - дейді Қазақстанның Еңбек Ері, «Абзал және К» толық серіктестігінің директоры Абзал Ералиев.
Айта кетейік, жаңа мешіт қолданысқа берілген кезде әйгілі бабамыз Мүсірәлі Жәдікұлының атымен аталады. Ал, серіктестік басшысы 200 орындық мешітті Нағи Ілиясов атындағы ауылда да өз қаражатына тұрғызуда.
Мешіт- имандылықтың ордасы, рухани құндылықтар мекені. Ал, иман бар жерде ынтымақ пен бірлік, татулық пен достық қауыз жарары белгілі.
Дәуіржан ЕЛУБАЕВ
Жаңа мешіттің алғашқы іргетасын қалау рәсіміне облыстық мәслихат хатшысының міндетін атқарушы Нұрмұрат Ерманов, облыстық ардагерлер кеңесінің төрағасы Сейілбек Шаухаманов, Қазақстанның Еңбек Ері, «Абзал және Комания» толық серіктестігінің директоры Абзал Ералиев, Мүсірәлі баба атындағы қордың басшысы Сәмит Далдабаев және «Ақмешіт-Сырдария орталық мешітінің бас имамы Талғат Омаров қатысып, ел ағалары аталған шағын ауданда имандылық үйін салу мәселесі көптен бері күн тәртібінде тұрғанын, имандылыққа бет бұрған азаматтарымыз да күн санап көбейіп келе жатқанын, мұндай рухани орынның қаламыздың осы бөлігіне тұратын халыққа аса қажет екендігін жеткізді.
Имандылық үйінің құрылысына демеушілік жасап отырған Қазақстанның Еңбек Ері, кәсіпкер Абзал Ералиевтің айтуынша, жаңа мешіттің жоба-үлгісі Алматы қаласында әзірленген. Жалпы, мешіт дәстүрлі ислам үлгісінде салынбақшы. Рухани орынмен іргелес имамдарға арналған қосымша екі қабатты ғимарат бой көтереді. Аталған имандылық үйі пайдалануға берілген кезде классикалық ислам үлгісінде салынған мешіт аталған шағын ауданның архитектуралық келбетіне өзіндік сән қосып, «Ақмешіттің» ажарын одан әрі айшықтай түсері даусыз. Жобаның жалпы құны – 155 млн. теңгені құрайды. Жоспар бойынша, имандылық үйінің құрылыс жұмыстары 2015 жылдың көктемінде басталып, ол жыл соңына дейін тұрғындардың игілігіне беріледі деп күтілуде.
– Бұған дейін Ақмешіт, Мерей аудандарында мешіт болған жоқ. Ал, мұнда тұрғындар саны 25 мыңнан асады. Осы олқылықтың орнын толтыру мақсатында игі жұмысты қолға алып отырмыз. Құрылысшылар құрылыс жұмыстарын сапалы жүргізіп, рухни нысанды дер кезінде пайдалануға береді деген сенімдемін, - дейді Қазақстанның Еңбек Ері, «Абзал және К» толық серіктестігінің директоры Абзал Ералиев.
Айта кетейік, жаңа мешіт қолданысқа берілген кезде әйгілі бабамыз Мүсірәлі Жәдікұлының атымен аталады. Ал, серіктестік басшысы 200 орындық мешітті Нағи Ілиясов атындағы ауылда да өз қаражатына тұрғызуда.
Мешіт- имандылықтың ордасы, рухани құндылықтар мекені. Ал, иман бар жерде ынтымақ пен бірлік, татулық пен достық қауыз жарары белгілі.
Дәуіржан ЕЛУБАЕВ
