ЕСТІМЕГЕН ЕЛДЕ КӨП: «ҚҰДА» МЕДАЛІН ТАҒУҒА ҚАЛАЙ ҚАРАЙСЫЗ?...
Құдаларын ерекше сыйлайтын қазақтар "Құда" деген медаль тағып, көпшілікті таңқалдырды. Мұндай оқиға Астана қаласындағы тойлардың бірінде бірінде болған, деп хабарлайды NUR.KZ .
Медаль тағылған той туралы белгілі журналист Арман Сқабылұлы өзінің Facebook желісіндегі парақшасында жариялапты. Ол "құда" деген орденнің де жақын арада шығуы мүмкін екенін жазады.
«ҚҰДА» деген медаль шығыпты. Қазағым аман болса осы аттас орденнің де ауылы алыс емес-ау!", - дейді Арман Сқабылұлы.
Бұл жазбадан кейін медаль көпшіліктің қызу талқысына түскен.
Оқырмандардың бірі "Қазағымның ойы да, фантазиясы да асқақ қой" деп өз пікірін жазса, енді бірі "Бұл да кіші бизнес түрі" деген байлам жасайды.
Кейбірі тіпті бұл медальдің шыққанына екі-үш жыл болғанын жазған.
