Kyzylorda-News.kz

 

    Қызылорда қаласындағы №264 орта мектепте 8-9 сынып оқушылар арасында мектепаралық жарыс өтті. Тақырыбы: қыс айларында көмек беру тәсілдерін пысықтау болды. Аталмыш сайысқа қала көлеміндегі 8 мектептің оқушылары атсалысты.   Әр мектептен 6 адамнан /4 ер  бала және 2 қыз бала/ қатысты. Сайыс тартысты өтті. Құтқару арқаны мен шеңберін лақтыру, жеделдетіп сүңгуірдің киімін кию, эстафета, жедел алғашқы медициналық көмек секілді туралар жанкүйерлерді еріксіз қобалжытты. Сайыс қорытындысы бойынша №264 мектептің командасы 1 орынды, №235 мектептің командасы 2 орынды, №198 мектептің командасы 3 орынды иемденді. Сондай-ақ, «үздік қатысушы», «озат жаттықтырушы» атты номинациялар бойынша да жеңімпаздар марапатталып, сый-сыяпат табыс етілді. Тартысты жарыс жергілікті «Қоғам ТД» арнасының  өкілдері қатысып, сайыс жөніндегі ақпарат эфирден көрсетілді.
    Айгүл НҰРМАНОВА,
    Қызылорда облысы ТЖД
    Мемлекеттік тіл және ақпарат тобы