БАЛАҚАЙ, ОТПЕН ОЙНАМА!
Қызылорда облысы ӨҚСБжПҚБ қызметкерлері балаларға өрт қауіпсіздігі ережелері мен өрт кезіндегі әрекеттерді үйрету мақсатында «Қамбар батыр» балабақшасында "Қауіпсіз балалық шақ" акциясын өткізді. Сабақ барысында балаларға өрттің қауіпті екендігі, оның салдары және қауіпсіздік ережелерін сақтау жайлы түсіндірілді. Сондай-ақ отпен, сіріңке және басқа да оңай тұтанатын заттармен ойнаудың қайғылы жағдайға әкеліп соғуы мүмкін екендігі айтылды. Өрт болған жағдайда шұғыл қызметке "101" және "112" телефон нөмірі арқылы хабар беруге болатындығы ескертілді. Ойын түрінде балаларға түрлі сұрақтар қойылды.
