ӘЛЕУМЕТТІК АРАЗДЫҚ ТУДЫРҒАНЫ ҮШІН ЖАУАПКЕРШІЛІККЕ ТАРТЫЛДЫ
Қызылорда ОІІД Экстремизмге қарсы күрес басқармасының қызметкерлері әлеуметтік желілер мен видеохостингтерге мониторинг жұмыстарын жүргізу барысында бір азаматтың жеке парақшасынан әлеуметтік, ұлттық, нәсілдік және діни араздықты тудыруға бағытталған қасақана әрекеттерді байқайды. Осы негізде 25 жастағы қала тұрғыны ұсталып, ішкі істер басқармасына жеткізілді. Оған қатысты Қазақстан Республикасы Қылмыстық кодексінің 174-бабы 1-бөлігі бойынша қылмыстық іс қозғалып, тергеу барысында айғақ зат ретінде аудио-жазбалар алынып, тиісті сараптамалар тағайындалды. Нәтижесінде оның деструктивті діни ағымды ұстанатыны, әлеуметтік желідегі парақшасы арқылы әлеуметтік, ұлттық, рулық, нәсілдік, тектік-топтық және діни араздықты қоздыруға бағытталған әрекеттерді жасағаны дәлелденді.
Осы жылдың 15 наурызында Қызылорда қалалық сотының шешімімен Қазақстан Республикасы Қылмыстық кодексінің 174-бабы 1-бөлігіне сәйкес 2 жыл 10 айға шартты түрде сотталды.
