Kyzylorda-News.kz

     Қызылорда облысы бойынша ҚАЖД-нің Қазалы аудандық пробация қызметі, Қазалы аудандық сотының үкімімен Қазақстан Республикасының ҚК-нің 28-бабы 5-бөлігі, 188-бабының 3-бөлігімен кінәлі деп танылып, 3 жылға бас бостандығынан айыру жазасы тағайындалып, ҚК-нің 63-бабын қолданып, тағайындалған жаза сол мерзімге шартты деп есептеліп, бас бостандығынан айырудың барлық тағайындалған мерзіміне пробациялық бақылау белгіленген сотталған Т-ның «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» Заңының талабына сай жаза мерзімінің өтелмеген бөлігінің жартысын қысқартуды сұрап ұсыныс енгізген.

    Заңның 4-бабының 1-тармағының 3-тармақшасына сәйкес, ауыр қылмыстар жасағаны үшін сотталған  I, ІІ және ІII топтардағы мүгедектер осы Заң қолданысқа енгiзілетін күнге жаза мерзімінің өтелмеген бөлiгiнің жартысы қысқартылады.

         Сот, сотталған Т-ның  ұсынысқа келісіп, жазасының өтелмеген бөлігінің жартысын қысқартуға қарсы емес екендігі туралы уәждерін ескеріп, аталған Заң талабына сай, Заң қолданысқа енгізілген күнге Қазалы аудандық сотының үкімімен тағайындалған жазасының өтелмеген бөлігінің жартысын қысқартып,  пробация қызметінің ұсынысын қанағаттандырды.

          Қаулы заңды күшіне енбеген.