Kyzylorda-News.kz

     Адам баласына берілген өмірді ұзақ та мәнді сүруінің негізі оның денсаулығы. Денсаулық адамның ең қасиетті де құнды қазынасы. Бірақ сол басты байлығымызды зиянды әдеттерге әуестенуіміз арқылы өзіміз жоғалтып отырмыз. Қаншама адамдар есірткіге елітіп, соның жолында денсаулығы мен өмірін құрбан етуде. Сондықтан да елімізде оның алдын алып, күресіп келеді.

    Қызылорда ОІІД баспасөз қызметінің мәліметіне сүйенсек облыс көлемінде есірткі бизнесіне қарсы күрес бағытында атқарылған жедел-қызметтік шаралардың нәтижесінде осы жылдың  3 айында есірткіге байланысты 129 дерек анықталып отыр. Оның 32 қылмыс болса, 97 қылмыстық теріс қылықтар.

    Тіркелген 32 қылмыстық істің 13-і есірткі құралдарын аса ірі мөлшерде заңсыз сақтау, 17-і есірткі құралын сату, біреуі заңмен өсіруге тыйым салынған құрамында есірткі  құралдары бар өсімдіктерді егіп баптау және 1-есірткі құралдарын тұтыну үшін притон ұйымдастыру қылмыстары.

    Сондай-ақ, тіркелген 97 қылмыстық теріс қылықтың 93-і ҚР ҚК-нің 296-бабының 1,2,3 бөліктерінде және 4-і ҚР ҚК-нің 303-бабында көзделген қылмыстық теріс қылықтар.

    Заңсыз айналымнан барлығы 14 келі 199 гр. есірткі заты тәркіленген.