ОТБАСЫЛЫҚ «ТОЛАҒАЙ» САЙЫСЫ ӨТТІ

Облыстық «Жастар ресурстық орталығы» КММ Наурыз мерекесі қарсаңында отбасылық «Толағай» спорттық сайысын ұйымдастырды, деп хабарлайды орталықтың баспасөз қызметі.

   «Мұз айдыны» спорт кешенінде өткен эстафеталық сайыс 4 кезеңнен тұрды. Қатысушылар жылдамдыққа жүгіру, доппен кедергілерден өту, секірмек арқылы кедергілерден жүгіріп өту және баскетбол добымен шеңберге дәл түсіру бойынша жарысқа түсті.
   Спорттық сайыс нәтижесінде І орынды Кемаловтар әулеті, ІІ орынды Байекеевтер әулеті және ІІІ орынды Базарбаевтар әулеті иеленді.
   Жеңімпаздарға сыйлық табысталып арнайы дипломмен марапатталды. Жарысқа қатысушылар ұйымдастырушыларға алғыстарын білдірді.