Kyzylorda-News.kz

 

    Қызылорда қаласындағы Абылай хан атындағы Қызылорда колледжінің спорт кешені ғимаратында «Құтқарушылар фестивалі» ұйымдастырылды. Фестивальге «Абылый хан», «Жас өркен», «Ұлағат» колледждері оқушылары қатысты. Аталмыш шараның мақсаты – төтенше жағдайлардан қорғану мамандығында оқитын колледж оқушылары арасында бұқаралық құтқарушылар жұмыстарын жандандыру, өскелең ұрпақты отан сүйгіштікке тәрбиелеу, құтқарушы тәсілдері арқылы салауатты өмір салтының дағдыларын қалыптастыру, колледждер арасында ең мықты командасын анықтау, тәжірибе алмасу болды. Онда командалар топ атын таныстыру, сұрақ-жауап, азимут, іздестіру-құтқару жұмыстары, жауынгерлік қанат жаю, арқан байлау сайысы, сүңгуір жұмысы, құтқару, алғашқы медициналық көмек, плакаттар сайысы бойынша бақ сынасты. Сайысты Абылай хан колледжінің оқытушысы Айбек Сұлтанбеков пен ТЖД Төтенше жағдайларды жою бөлімінің бастығы Бақтияр Тұрмановтар ұйымдастырды. Сайыс нәтижесі бойынша 1 орынды  «Құтқарушы» командасы, 2 орынды «Жас қыран» командасы, 3 орынды «Толағай» құрама командасы иеленді. Аталмыш шараға Қызылорда облысы ТЖД, ТЖД «ӨСжАҚЖҚ» ММ, ТЖД «Судан құтқару қызметі» ММ, ҚР ТЖМ «ОӨАЖҚЖ» ММ  құтқарушы мамандары қатысып, оқушыларға бағыт-бағдар берді. Сайыс тартымды өтті.
    Айгүл НҰРМАНОВА,
    Қызылорда облысы ТЖД баспасөз қызметі