ҚЫЗЫЛОРДАДА ШЫНЫ ЖАСАУШЫЛАР ДАЯРЛАНАДЫ
Қызылорда облысында кәсіптік техникалық білім беруде «Шыны талшық және шыны бұйымдарының өндірісі» деген жаңа мамандық пайда болды, деп хабарлайды BNews.kz.
Қазіргі таңда аймақтың кәсіптік білім жүйесінің қызметі сұранысқа ие мамандарды ғана даярлауға бағытталған. Бүгінде металлургиялық және мұнай-газ бағыттары бойынша үш колледж ашу жоспарланып отыр. Жұмыс істеп жатқан кәсіптік колледждерде бір-біріне ұқсас тоғыз мамандық оңтайландырылды. Олардың орнына сұранысқа ие 13 мамандық ашылды. Қызылорда индустриялды-техникалық колледжінде тоңазытқыш-компрессорлы жабдық шеберлері, тұрмыстық техника мен телекоммуникация жабдықтарын жөндеу және қызмет көрсету мамандары даярланады, ал құрылыс және бизнес колледжінде жылу техникалық жабдық пен жылумен қамтамасыз ету жүйесінің шеберлері, жиһаз жасаушылар білім алуда. Таяуда И.Әбдікәрімов атындағы Қызылорда аграрлық-техникалық колледжінде «Шыны талшық және шыны бұйымдарының өндірісі» деген жаңа мамандық ашылды. Жақында Қызылорда өңірінде шетелдік инвесторлар табақ шыны шығаратын зауыт пен шыны ыдыс-аяқ дайындайтын кәсіпорын ашуды көздеп отыр. Бұл кәсіпорындарда жұмыс істейтін болашақ қызметкерлерді Қызылорда өңірі өзі даярлап шығармақ.
Қазіргі таңда аймақтың кәсіптік білім жүйесінің қызметі сұранысқа ие мамандарды ғана даярлауға бағытталған. Бүгінде металлургиялық және мұнай-газ бағыттары бойынша үш колледж ашу жоспарланып отыр. Жұмыс істеп жатқан кәсіптік колледждерде бір-біріне ұқсас тоғыз мамандық оңтайландырылды. Олардың орнына сұранысқа ие 13 мамандық ашылды. Қызылорда индустриялды-техникалық колледжінде тоңазытқыш-компрессорлы жабдық шеберлері, тұрмыстық техника мен телекоммуникация жабдықтарын жөндеу және қызмет көрсету мамандары даярланады, ал құрылыс және бизнес колледжінде жылу техникалық жабдық пен жылумен қамтамасыз ету жүйесінің шеберлері, жиһаз жасаушылар білім алуда. Таяуда И.Әбдікәрімов атындағы Қызылорда аграрлық-техникалық колледжінде «Шыны талшық және шыны бұйымдарының өндірісі» деген жаңа мамандық ашылды. Жақында Қызылорда өңірінде шетелдік инвесторлар табақ шыны шығаратын зауыт пен шыны ыдыс-аяқ дайындайтын кәсіпорын ашуды көздеп отыр. Бұл кәсіпорындарда жұмыс істейтін болашақ қызметкерлерді Қызылорда өңірі өзі даярлап шығармақ.
