Kyzylorda-News.kz

 

    Есірткіден азат қоғамды қалыптастыру, жастар арасында саламатты және салауатты өмір салтын насихаттау, бүкіләлемдік зұлматқа айналып отырған дерттің кең етек алуын болдырмау мақсатында Қызылорда ОІІД Есірткі бизнесіне қарсы күрес басқармасының ұйымдастыруымен «Мен өмірді қалаймын!» тақырыбында орта, орта арнаулы оқу орындарының оқушы, студенттері  арасында өлең, ұран, жолдау жазып, ақпараттық құрал беттерінде жариялау сайысы ұйымдастырылды.

    Сайысқа 85 сайыскер қатысып, дәлелді фактілерді қолдана отырып, есірткі тақырыбына қатысты ойларын нақты, дәл және әсерлі етіп жеткізе білді. Алайда, «жарыс болғаннан кейін жеңімпаздары да болады» демекші, ең үздік деп танылған шығарма авторы Байқоңыр қаласы №274 орта мектебінің 9-сынып оқушысы Сыланова Айжан І орынды иеленсе, екінші және үшінші орындарды Қазалы ауданы №92 орта мектебінің 9-сынып оқушысы Ыбырай Аманғалиұлы мен Байқоңыр қаласы №274 орта мектебінің 9-сынып оқушысы Нұрқасым Әдемі теңдей бөлісті.
    Құрылған сайыстық комиссияның шешіміне сәйкес, 16 қатысушының шығармасы ерекше атап өтіліп, олар байқау жүлдегерлері болып танылды.
    Аталған жеңімпаздар Қызылорда ОІІД басшылығы тарапынан дипломдармен марапатталып, естелік сыйлық ретінде планшеттер табыс етілді.
    Қызылорда ОІІД баспасөз қызметі