ҚАЗАЛЫДА ОБЛЫСТЫҚ ЖАСТАР СЫЙЛЫҒЫ ТАБЫСТАЛДЫ
Қазалы ауданында Шығыс жастарының жалынды жетекшісі «Ғани Мұратбаев» атындағы облыстық жастар сыйлығын табыстау салтанаты өтті.
Биыл алғаш рет ұйымдастырылған байқауға 70 үміткер қатысып, солардың ішінде 21 жүйрік лайықты деп танылды. Ұрпақтар сабақтастығын жалғастыру мақсатында облыс әкімінің сол кездердегі комсомол комитеттерінің хатшылары байқау жеңімпаздарына омырауға тағатын белгi, ақшалай және естелік сыйлықтар табыстады. Салтанатты шарада облыс әкімінің орынбасары Р.Рүстемов облысымызда жастар саясатын жүзеге асыру бағытында ауқымды жұмыс атқарылып жатқанын тілге тиек етіп, сол кездердегі комсомол комитеттерінің хатшыларын Ғани Мұратбаевтың 114 жылдығына арналған мерекелік төсбелгімен марапаттады. Шара соңында эстрада жұлдыздары Г.Оразымбетова, «Азия» тобы ән-жырдан шашу шашып, көпшілікке мерекелік көңіл-күй сыйлады.
Айта кету керек, «Ғани Мұратбаев» атындағы облыстық жастар сыйлығы жеңімпаздарының ішінде «Сыр медиа» ЖШС қаламгерлері Назерке Саниязова, Есет Табынбаев, Ақтөре Ибрагимұлы және Тұрар Бекмырзаев бар.
Айта кету керек, «Ғани Мұратбаев» атындағы облыстық жастар сыйлығы жеңімпаздарының ішінде «Сыр медиа» ЖШС қаламгерлері Назерке Саниязова, Есет Табынбаев, Ақтөре Ибрагимұлы және Тұрар Бекмырзаев бар.
