ТАУ ТҰЛҒА
Қызылорда облыстық ассамблея хатшылығы және "Қоғамдық келісім" КММ-нің ұйымдастыруымен №23 Ж.Қизатов атындағы мектеп-лицейінде Қазақстанның халық жазушысы, қоғам қайраткері, публицист, әдебиет зерттеушісі – Герольд Карлович Бельгердің шығармашылығына арналған әдеби кеш өткізілді.
Іс-шараға Қорқыт Ата атындағы ҚМУ-нің "Қазақстан тарихы" кафедрасының доценті, тарих ғылымдарының докторы Тастанбек Сәтбай және «Қазақ тілі мен әдебиеті және журналистика» кафедрасының профессоры, филология ғылымдарының кандидаты Аман Абасилов қатысып, Г.Бельгер жайлы естеліктермен бөлісті. Шығармаларының қазақ әдебиеті мен тілінің дамуына қосқан үлесіне тоқталып өтті. Кешті толеранттылық клуб мүшелерінің қатысуымен өткен әдеби монтаж бен қойылымдар жандандыра түсті.
Сондай-ақ, «Қоғамдық келісім» КММ-сі 17-20 қазан аралығында өзге этнос оқушылары арасында «Тәуелсіз елдің ұланымын» атты қазақ тілінен үздік шығармалар байқауын ұйымдастырған болатын. Кеш аясында аталған байқау жеңімпаздарына диплом және бағалы сыйлықтар табысталды.
Сондай-ақ, «Қоғамдық келісім» КММ-сі 17-20 қазан аралығында өзге этнос оқушылары арасында «Тәуелсіз елдің ұланымын» атты қазақ тілінен үздік шығармалар байқауын ұйымдастырған болатын. Кеш аясында аталған байқау жеңімпаздарына диплом және бағалы сыйлықтар табысталды.
