ШАКИЗАДА ӘБДІКӘРІМОВ СТУДЕНТТЕРМЕН КЕЗДЕСТІ
Қорқыт Ата атындағы Қызылорда мемлекеттік университеті, қазақ тілі және журналистика кафедрасының ұйымдастыруымен Сыр еліне аты танымал ақын, "Қызылорда Қоғамдық теледидары" телеарнасының басшысы Шакизада Әбдікәрімовпен кездесу болып өтті.
Айта кететіні, Шакизада ағамыз биыл асулы 60-ты бағындырыпты. Кездесу барысында мерей той иесіне студенттер ыстық лебіздерін білдіріп, гүл шоқтарын тарту етті. Сонымен қатар, білім алушылар өмірі өнегеге толы жанның өлең шумақтарынан үзінді оқыды. Қыл қаламды жанына серік етем деген болашақ журналистер мен ақындар үшін бұл кездесудің орны ерекше болмақ.
