Kyzylorda-News.kz

 

    Қызылорда облыстық ассамблея хатшылығы және «Қоғамдық келісім» КММ-нің ұйымдастыруымен «Тәуелсіз елдің ұланымын» атты этнос оқушылары арасында қазақ тілінен үздік шығармалар байқауы өткізілді.

    Байқаудың мақсаты мемлекеттік тілдің қолданылу аясын кеңейту, жоғары деңгейде меңгерген оқушыларды анықтау және ынталандыру, тіл мәдениетінің деңгейін көтеру.
    Байқауға қаладағы аралас 10 мектептің 8-10 сынып оқушылары қатысты. Байқау нәтижесіне сәйкес жеңімпаздар мен жүлдегерлер аудармашы, әдебиеттанушы Герольд Бельгердің өмірі мен шығармашылығына арналған іс-шара барысында дипломдар және бағалы сыйлықтармен марапатталады.