РАНТ МҮШЕСІ СЫР ЕЛІНДЕ
Қызылорда облысына кезекті іссапармен әл-Азһар университетінің түлегі, дінтану ғылымының магистрі, «Нұр Мүбарак» ислам мәдениеті университетінің дін және тәрбие бөлімінің меңгерушісі, ұстаз Рахымжан Әкімбеков келді, деп хабарлады «Ұшқыр жебе» қоғамдық қоры. Сыр өңірінде жыл сайын республикалық ақпараттық насихат топ мүшелері болып аймақтың аудан, ауылдарын аралап, Ислам дінінің өркен жаюына, халық көкейіндегі сұрақтарға жауап беруге атсалысып келеді.
Тұрғындармен және жамағатпен кездесулер Төретам кенті, Қазалы ауданы және Арал қаласында ұйымдастырылды. Кездесулер «Исламдағы әдептілік», «Ең үлкен жиһад – нәпсімен күрес», «Отанды сүю - иманнан» тақырыптарында өрбіді. «Ұшқыр жебе» қоғамдық қорының ұйымдастыруымен өткізілетін РАНТ мүшесі Р.Әкімбековтың кезекті кездесулері Қызылорда қаласында жалғасты.
