Kyzylorda-News.kz

 

    Орталық «Ақмешіт-Сырдария» мешіті жыл сайын қарттар мен мүгедектерге құрмет көрсетуді назардан тыс қалдырған емес. Мешіт ұжымы қаладағы қарттар мен мүгедектерге арналған интернат-үйінде болды, деп хабарлады облыстық мешіттің баспасөз қызметі.

    Орталық «Ақмешіт-Сырдария» мешітінің найб имамы Бақыт Улжаев өкіл имам Талғат Омаровтың сәлемдемесін жеткізіп, насихатын айтты. Өз кезегінде өнерпаздар қарттарға ән, биден шашу шашып, көтеріңкі көңіл күй сыйлады.
    Пайғамбарымыздың хадистеріндегі өсиеттерді ескерген мешіт ұжымы сый-сияпат жасауды да ұмытпады. Мешіт ұжымы атынан аталмыш интернат үйіне соңғы үлгідегі бағалы шаңсорғыш тарту етілді. Өз кезегінде қариялар батасын беріп, ризашылықтарын білдірді.