Kyzylorda-News.kz

 

    Қазақстан халқы тілдерінің мерекесіне орай Қызылорда облысы бойынша ҚАЖ департаментінде департаментке қарасты түзеу мекемелерінің  қызметкерлері арасында  «Сөз мерген» тапқырлар сайысы өткізілді.
    Сайыстың мақсаты қазақ сөз өнерінің құдіретін тереңірек сезіндіру, қазақтың мақал-мәтелдерінің қолданыс аясын ұғындыру, көнерген сөздердің мағынасын ашу. Сайысқа ЗК-169/1  мекемесінің арнайы есепке алу бөлімінің есеп – технигі Пазылов Қайрат Оспанұлы, ЗК-169/4 мекемесінің Бақылаушылар қызметі бөлімінің бастығы әділет аға лейтенанты С.Кенжеқожаев,  ЗК-169/5 мекемесінің САТЖЖ бөлімінің жасақ бастығы әділет лейтенанты Б.Тәуекел қатысты.
    Сайыс 3 кезеңнен тұрады. Барлық кезеңінің тапсырмалары дәл әрі ұтымды қолданылып, тек жылдам жауап беруді талап етеді. Тартысты да тартымды өткен «СӨЗМЕРГЕН» сайысында нағыз сөз шеберлері тіл додасында бақтарын сынады. Нәтижесінде, ЗК-169/1  мекемесінің арнайы есепке алу бөлімінің есеп – технигі Пазылов Қайрат Оспанұлы жеңімпаз атанды.
    Сөз сайысына  қатысқан  ойыншыларға арнайы сыйлықтар табыс етілді.
    Дана ДОСТАНОВА,
    ҚАЖ департаментінің мемлекеттік тілде аудармашысы