ТҰРМЫСЫ ТӨМЕН ОТБАСЫНЫҢ ҮЙІН ЖӨНДЕУДЕ ЖАСТАР АСАРЛАТТЫ
Сырбойылық жастар Қызылорда қаласының КБИ мөлтек ауданында тұратын әлеуметтік аз қамтылған жас отбасы Досмағамбетова Рақиманың үйіне әктеу, сырлау, жөндеу жұмыстарын жүргізді.
Игі бастаманы облыстық ішкі саясат басқармасының қолдауымен студенттік жастардың еңбек жасақтары облыстық штабы жастар ресурстық орталығымен бірлесіп жүзегет асырды. Рақима – 4 баланың анасы, 2 баласы мектепке барады. Сарбаздар бүлдіршіндерге мектепке қажетті оқу құралдары мен ойыншықтар сыйлады.
