Kyzylorda-News.kz

 

    Ақтөбе мен Алматыдағы соңғы қайғылы оқиғаларға орай қазақстандықтар лаңкестік қаупінің режимі бойынша қызыл және сары деңгейі туралы хабардар болды. Адам өмірін қиған оқиғалар арнайы қызметтің бірлескен әрекетін одан әрі қарқындата түсті.
    Лаңкестікпен күресу мен діни эктремизимге қарсы тиімді жұмыс жасау үшін Қызылорда облысы ТЖД Өрт сөндіру және авариялық құтқару жұмыстары қызметі әскери-мобилизация бөлімінің қызметкерлері  «Лаңкестік және діни экстремизим» тақырыбында оқу семинарын  ұйымдастырды. Өзекті тақырыпты ашуға ҚР ҰҚК Қызылорда облысы және Байқоңыр қаласы департаментінің өкілі Шыңғыс Әлмаханов және наиб-имам Талғат Нұрман көмектесті.
    Семинар барысында діни экстремизм мен лаңкестіктің алдын алу сұрағы қозғалды. Сонымен қатар діни мекемелердің радикалды идеологиясына қарсы әрекеттер бойынша негізгі принциптер, айла, тәсілдер қаралды. Шынайы исламның радикалдықтан айырмашылығына ерекше назар аударылды.
    Одан әрі мемлекеттік тілде «Терроризм қауіпі туралы» атты бейне таспа көрсетілді. Семинардың соңында қатысушылар бір-бірімен пікір алысып және сұрақ қоя алатындай пікірталас болды.
    Қызылорда облысы ТЖД Өрт сөндіру және
    авариялық құтқару жұмыстары қызметі ММ