Kyzylorda-News.kz

 

    Сотталушы Ж. бөтен мүлікті сенімге қиянат жасау арқылы алу мақсатында, Төретам станциясы темір жол вокзал ғимаратының ішінде орналасқан кафенің ішіне кіріп, сатушы К.-ден жалпы құны 2870 тенге болатын тағамдарға тапсырыс беріп ішіп-жеп, жәбірленуші кафе ішінде басқа тапсырыс берушілермен сауда жасап тұрған сәтін пайдаланып, алған заттарының ақшасын төлемей, бой тасалаған.
    Сөйтіп, сотталушы Ж. бөтен мүлікті сенімге қиянат жасау арқылы алдап алып,  алаяқтық жасаған.
    Сотталушы Ж. сот отырысында кінәсін толық мойындап, жәбірленуші  екеуі «Медиация туралы» Заңының тәртібімен шешу мақсатында медиаторға жүгініп, медиатор арқылы өзара келісімге келіп татуласып, ымыраласқан. Істі «Медиация туралы» заңына сәйкес қысқарту үшін араларында жасалған «Дауды (дау шарды) реттеу туралы» келісімді сотқа ұсынғандықтарын, жасаған әрекетіне шын жүректен өкінетінін айтып, Қазақстан Республикасы ҚК-нің 67-бабының 1-бөлігіне сай қылмыстық жауаптылықтан босатып, ақтамайтын жағдаяттар негізінде істі қысқартуға өз келісімін білдірді.
    Қазақстан Республикасы ҚК-нің 177-бабының 1-бөлігімен айыпталған  сотталушы Ж.  Қазақстан Республикасы ҚК-нің 67-бабының 1-бөлігіне сәйкес қылмыстық жауаптылықтан босатылып, қылмыстық іс өндірістен қысқартылды.
    Байқоңыр қалалық сотының баспасөз қызметі