Kyzylorda-News.kz

 

    «Қызылорда облыстық тұтынушылардың құқығын қорғау қоғамы»  қоғамдық  бірлестігі «Жұмыссыздыққа тіркелу. Әңгімелесуден қалай өту керек?» атты тақырыбында семинар ұйымдастырды.
    Бірлестік бүгінде «Бас бостандығынан айыру орындарынан босатылғандарды қайта әлеуметтендіру және қайта оңалту» жобасы аясында іс-шаралар өткізіп келеді.  Семинар барысында Халыққа қызмет көрсеру орталығы департаментінің маманы Г.Сәдірсәлімова, Б.Ботабековтер ХҚКО-ға жұмыссыз ретінде қалай тіркелуге болатынын түсіндіріп, мемлекеттік кызметтерді онлайн режимде қалай алуға болатыны жөніндегі кітапшалар таратты.
    Қалалық жұмыспен қамту және әлеуметтік бағдарламалар бөлімінің маманы Н.Естаева жыл басынан бері кәсіптік оқуға 16 мамандық бойынша қаражат бөлініп, пробация есебінде тұрған 6 азаматтың әртүрлі мамандықта білім алып жатқанын жеткізді. Оқу бітіргесін оларға сертификат беріліп, жұмысқа орналасуына ықпал жасалады.