«ӨРТ ҚАУІПСІЗДІК» ЕРЕЖЕСІН САҚТАЙМЫЗ!
Қызылорда қаласы Төтенше жағдайлар басқармасымен Қызылорда қаласында орналасқан мемлекеттік және жеке бала-бақшалардағы балалар арасында өрт қауіпсіздігін насихаттау, өртті болдырмау мақсатында, қалалық білім бөлімімен келісілген іс-шара жоспарына сәйкес үгіт-насихат жұмыстары жүргізілді. Жоспар бойынша бала-бақша балаларымен 1-ші қыркүйек пен 1-қазан аралығында үгіт-насихат жұмысын жүргізу жоспарланған. Осы орайда 2014 жылдың 26 қыркүйегінде «Ер-Төстік» бала-бақшасында «Өрт тілсіз жау» атты іс-шара өткізіліп, 45 бала, 8 тәрбиеші, 15 ата-ана қатыстырылды. Іс-шара барысында балалар «Өрт қауіпсіздігі» тақырыбында топтық жарыста ән, тақпақ айтты. Сонымен бірге балаларға Қызылорда облысы Төтенше жағдайлар департаменті «ӨСжАҚЖҚ» ММ №11 өрт сөндіру бөлімінің АЛ-37 автокөлігі таныстырылды. Соңында бала-бақша меңгерушісі мен шараны ұйымдастырушы Қызылорда қаласы Төтенше жағдайлар басқармасы бастығының «Алғыс хатымен» марапатталды.
Қызылорда қаласы ТЖ басқармасы
Қызылорда қаласы ТЖ басқармасы
