Kyzylorda-News.kz

     "Нұр Отан" партиясы Қызылорда облыстық филиалы, "Жас Отан" ЖҚ, облыстық ардагерлер кеңесі және мәдениет саласының өкілдері 22 маусым – Ұлы Отан соғысының басталған күніне орай қаһарман ерлерді еске алып, олардың рухына тағзым етті. Бұл туралы партия филиалының баспасөз қызметі хабарлады.
    Жетекші партияның облыстағы өкілдері ұйымдастырған шарада "Нұр Отан" партиясының қолдауымен Ұлы Жеңістің 71 жылдық мерекесіне орай "Қазақстандықтар - Ұлы Жеңістің Батырлары" атты тақырыпта жарық көрген 2 томдық кітап салтанатты түрде облыстық ардагерлер үйі мен Ә.Тәжібаев атындағы облыстық әмбебап ғылыми кітапхана қорына табыстады.