Kyzylorda-News.kz

 

    Арал аудандық сотында ұрлық жасады деп айыпталған азаматтың қылмыстық ісі қаралып, медиация тәртібімен қысқартылды.
    Сотталушы Т. 2016 жылдың 27 сәуірінде өзі жұмыс істейтін «Арал балық зауыты» ЖШС-не жұмысқа барып, киім ауыстыратын бөлменің терезесінің алдында тұрған Е-нің ұялы телефонын қалтасына басқан. Жәбірленушіге осылайша 49000 теңге шығын келтірген.
    Кәсіпқой медиатор Б.Бердалиев «Медиация туралы» Заңның 27-бабының талабына сәйкес медиация рәсімін өткізіп, сотталушы мен жәбірленушінің татуласуына, келтірілген залалды қалпына келтіруге қол жеткізіп дауды реттеу туралы келісім жасап, сотқа ұсынған.
    Сотталушы Т. ҚР қылмыстық кодексінің 68-бабының 1 бөлігінің талабына сай жәбірленушімен медиация тәртібімен татуласуына байланысты қылмыстық жауаптылықтан босатылды.
    Сот қаулысы заңды күшіне енбеген.
    Арал аудандық сотының  баспасөз қызметі