Kyzylorda-News.kz

     Жаңақорған ауданы әкімінің орынбасарының төрағалық етуімен Төтенше жағдайлардың алдын алу және оларды жою жөніндегі комиссия отырысы өтті. Күн тәртібінде «Жазғы кезеңде ауданның су айдындарындағы  судағы қауіпсіздік  шаралары туралы»  мәселелер қаралды.
    Аталмыш комиссияның отырысына аудандық төтенше жағдайлардың алдын алу және оларды жою жөніндегі комиссия мүшелері, жергілікті атқарушы органдар және ҚР ІІМ ТЖК-нің «Оңтүстік өңірлік аэроұтқұр жедел құтқару жасағы» ММ қызметі қатысты
    Онда Жаңақорған ауданы Төтенше жағдайлар бөлімінің бастығы Б.Омаров, «Жазғы кезеңде ауданның су айдындарындағы судағы қауіпсіздік  шаралары туралы» атқарып жатқан профилактикалық жұмыстары жайлы баяндама жасады. Сонымен қатар, комиссия мүшелері де тыңдалды.
    Жазғы маусымдағы су айдындарында қайғылы оқиғаларға жол бермеу және олардың алдын алу мәселесі Төтенше жағдайлардың алдын алу  және оларды жою комиссиясы отырысында талқыланды, осыған сәйкес тиісті жергілікті атқарушы органдарға нақты тапсырмалар берілді.