Kyzylorda-News.kz

 

    Жаңақорған ауданында аудан әкімі мен аудан прокурорымен бірлесіп бекітілген кескеге сәйкес арнайы құрылған жұмысшы топ кент, ауылдық округтерде болып, жергілікті тұрғындармен кездесті.
    Кездесу барысында өзгерістер мен толықтырулар енгізілген заң нормаларына түсіндірме беріп, Жер Кодексіне енгізілген өзгерістер, өзгерістерді енгізудің мәні туралы мәліметтер берілді.
    Түсіндірме жұмыстарынан соң барлық ауылдық округтерде аудан прокуроры мен «Нұр Отан» партиясы аудандық филиалының бірінші орынбасары жеке тұлғаларды және заңды тұлғалардың өкілдеріне жеке қабылдау жүргізді. Аталмыш кездесу Манап, Талап, Бесарық ауылдарында жалғасты. Ал Жаңақорған кентіндегі түсіндірме жұмыстары бүгін  аудандық мәдениет үйінде өтетін болады.
    Шынар БЕКБАН