Kyzylorda-News.kz

 

    Жаңақорған ауданында «Ордакент» ардагерлер, жастар ресурстық орталығында 12-тамыз халықаралық жастар күніне орай, елдің игі жақсылары жастармен жүздесті. Алғашқы кезекте аудан әкімінің орынбасары Б.Айтбембет құттықтау сөз сөйлеп, кездесуді ашып берді.
    Одан әрі ауданның қоғамдық-саяси өмірінің қалыптасуына елеулі үлес қосқан ел ағалары мен ардақты аналары өскелең жастарға тәлім боларлық ойымен бөлісіп, ақыл-кеңестерін сөз етті. Кездесуге Қазақстан жазушылар одағының мүшесі, облыстың құрметті азаматы А.Сопыбеков, ауданның құрметті азаматы, КСРО-білім беру ісінің үздігі, «Құрмет» орденінің иегері З.Шермағамбетов, Сунақ ата ауылдық округінің әкімі Ә.Қыстаубаева, ҚР денсаулық сақтау саласының үздігі С.Ысқақов, Байланыс саласының үздігі, Гір тасын көтеруден Еуразия және Еуропаның бірнеше дүркін чемпионы С.Ибрагимов болды.
    Шараны аудандық ішкі саясат бөлімінің мемлекеттік әлеуметтік тапсырысы аясында «Ауған соғысы ардагерлері және патриот жастары» қоғамдық бірлестігі үйлестіріп, игі жақсыларға сый-сияпатын табыстады.