Kyzylorda-News.kz

 

    Жаңақорған ауданы әкімі С.Тәуіпбаев Жаңарық, Қыркеңсе ауылдық округтерде болып, тұрғындарымен кездесті.
    2014 жылы Қыркеңсе ауылы тұрғындарының әл-аухатын жақсарту мақсатында «Өңірлік даму» бағдарламасы бойынша біршама қаржы бөлініп, еңбегі сіңген ардагерлерге арналып, «Құрмет тақтасы» салынған. «Іңкәр-ай» балабақшасы пайдалануға берілді. Ауыл тұрғындарының негізгі кәсібі мал шаруашылығы болғандықтан шаруа қожалықтары мемлекеттік «Сыбаға» бағдарламасы бойынша субсидия алып, өз істерін жалғастыруда. Бұл жөнінде аудан әкімі Сұлтанбек Тәуіпбайұлы Қыркеңсе ауылы тұрғындарымен есепті кездесуінде айтты. Одан өзге кездесуде аудан басшысы өткен жылғы ауданның әлеуметтік-экономикалық дамуы жөнінде хабарлама жасап, алдағы жоспарларымен бөлісті.
    Айта кетейік, қаңтар айының 28-нен бастау алған аудан әкімінің есепті кездесуі ақпан айының 10-на дейін жалғасады.