ЖАҢАҚОРҒАНДА КӨКЕН БАТЫРҒА ЕСКЕРТКІШ АШЫЛДЫ
Аудан орталығында тарихи тұлғалардың бірі, ел қорғаған айтулы батыр Көкен батыр Назарұлына қойылған ескерткіш салтанатты түрде ашылды. Бұл туралы аудан әкімінің баспасөз қызметі хабарлады.
Салтанатты жиынды облыс әкімінің орынбасары Серік Қожаниязов құтықтау сөз сөйлеп ашты. Сыр бойының әйгілі батырының өмір жолы, ел қорғаудағы ерлік істері жөніндегі баяндаманы ел ағасы, «Көкен батыр» қорының төрағасы Амангелді Абдуллаев жасады.
Ескерткіштің ашылу салтанатында облыстық ардагерлер кеңесінің төрағасы Сейілбек қажы Шаухаманов, Шымкент қаласынан келген Бекежан Тоқсанбаев ақсақалдар құттықтау сөз сөйледі. Соңынан батырдың ұрпақтары дастарқан жайып, ас берді.
Шара соңында бес жүзден астам жылқы қатысқан көкпар ойынында бас жүлдені қызылордалық шабандоздар иемденіп, түйе мініп қайтса, өзге де төрт түлік тігілген жүлделерден жерлестеріміз құр қалмады. Кешке аудан орталығындағы алаңда «МузАрт», басқа да өнер шеберлері концерт берді.
Шынар БЕКБАН
Салтанатты жиынды облыс әкімінің орынбасары Серік Қожаниязов құтықтау сөз сөйлеп ашты. Сыр бойының әйгілі батырының өмір жолы, ел қорғаудағы ерлік істері жөніндегі баяндаманы ел ағасы, «Көкен батыр» қорының төрағасы Амангелді Абдуллаев жасады.
Ескерткіштің ашылу салтанатында облыстық ардагерлер кеңесінің төрағасы Сейілбек қажы Шаухаманов, Шымкент қаласынан келген Бекежан Тоқсанбаев ақсақалдар құттықтау сөз сөйледі. Соңынан батырдың ұрпақтары дастарқан жайып, ас берді.
Шара соңында бес жүзден астам жылқы қатысқан көкпар ойынында бас жүлдені қызылордалық шабандоздар иемденіп, түйе мініп қайтса, өзге де төрт түлік тігілген жүлделерден жерлестеріміз құр қалмады. Кешке аудан орталығындағы алаңда «МузАрт», басқа да өнер шеберлері концерт берді.
Шынар БЕКБАН
