Kyzylorda-News.kz

 

    Жаңақорған аудандық орталық ауруханасы ұжымында қайырымдылық акциясы ұйымдастырылды. Аталмыш шараға емдеу және алдын алу ұйымдарының басшылары, «Нұр Отан» партиясы аудандық филиалының өкілдері, денсаулық сақтау саласының ардагерлері, сала қызметкерлері мен арнайы шақырылған отбасылар қатысты.

    Шараның алғы сөзін алған бас дәрігер Сәулебек Есхожаұлы зейнеткерлер мен бір топ сала қызметкерлері аудандық орталық аурухана бас дәрігері мен салалық кәсіподақ ұйымының, сондай-ақ «Нұр Отан» партиясы аудандық филиалының Алғыс хаттарымен марапаттады.
    Ел Тәуелсіздігінің 25 жылдығына орай ұйымдастырылған дәл осы салтанатты шара барысында мекеме қамқорлығына алынған бес отбасыға ұжым атынан әрқайсысына қаржылай қайырымдылық көмек көрсетіліп, құттықтау хаттар табыс етілді. Салтанатты шара аудан өнерпаздарының концертіне ұласып, ән-жырдан шашу шашылды.