ҒАЛЫМ ӘМРЕЕВ АУЫЛДЫҚ ОКРУГТІҢ ТЫНЫС-ТІРШІЛІГІМЕН ТАНЫСТЫ
Кеше Жаңақорған ауданының әкімі Ғалым Әмреев тау беткейіндегі Қосүйеңкі, Қыраш, Ақүйік және Кейден ауылдық округінің тыныс тіршілігімен, білім беру және мәдениет, денсаулық сақтау мекемелерінің жай күйімен танысты, деп хабарлады аудан әкімінің баспасөз қызметі.
Сондай ақ, Қыраш ауылдық округіндегі "Әжібек" алма бағын аралап, аудан басшысы алдағы уақытта ауылдық округтерде жеміс жидек бауларын көбейтуді тапсырды. Сонымен қатар, жастар бөліміне барлық ауылдық округтер бойынша кәсіпкерлікпен айналысуға қабілеті бар жастардың базасын құруды тапсырып, жақын арада осы жастармен бірге үлкен жоба құру жоспарланғандығын айтып өтті. Яғни алдағы айда кәсіпкерлікті дамыту бағытында жақсы тың жобаларды бекітіп, алдағы көктем айында осы жобаларды бірге іске асырамыз деп аудан жастарының бойына серпін берді.
