Kyzylorda-News.kz

 

    Бүгін таң алакеуіммен ораза айт намазына жиылған жаңақорғандықтардың жүзі жарқын. Көңілі көтеріңкі. Өйткені, мұсылман қауымы үшін айт мейрамының орны айрықша. Аудандық мешітке жиналған жұртшылықтың қарасы көп болды. Ауданның бас имамы Сайдулла Омаров имандылық хақында насихат өрбітіп, айт намазы оқылды.
    Соңынан, аудандық дене шынықтыру және спорт бөлімімен бірлесіп, спорттық сайыс ұйымдастырылды. Белсенді жастар «Арқан тарту», «Қаппен ұру», «Бұқа тартыс» жарыстарында өздерінің күштерін сынады. Кім мықтыны анықтады. Әсіресе, мешіт жамағаты мен Қыраш ауылынан келген жастар және Нұрбол Бакиров жетекшілік ететін «Жастар ресурстық орталығы» аудандық бөлімшесі айрықша көзге түсіп, белсенділік танытты. Жарыс соңында жүлдегерлер бағалы сыйлық пен «Дипломға» ие болды.
    Айта кету керек, Ораза айт мерекесі құрметіне жаңақорғандық азаматтар игілікті істі қолға алды. Бұл шара аудандық мешіттың қолдауымен жүзеге асырылып жатыр. Сондай-ақ, мешіт жамағатының ұйымдастыруымен кент орталығындағы КТУ бағытындағы қоғамдық маршрут(газель) кешке дейін тұрғындарды тегін тасымалдайды және "Жаңа ауыл, " Жаңа аурухана", КТУ бағытында түске дейін тегін такси жүреді.