Kyzylorda-News.kz

 

    Қазақстан Республикасы Ішкі істер министрлігі Төтенше жағдайлар комитеті «Оңтүстік өңірлік аэроұтқыр жедел құтқару жасағы» мемлекеттік мекемесінің құтқарушылары облыс су айдындарында азаматтардың қауіпсіздік шаралары мен судағы қауіпсіздік ережелерін насихаттау бойынша Жаңақорған ауданының Төтенше жағдай бөлімі қызметкерлерімен бірігіп «Қызылорда облысының білім басқармасының «Облыстық олимпиадалар және қосымша білім беру орталығы» мемлекеттік коммуналдық қазыналық кәсіпорны және «Сыр самалы» лагеріндеқауіпсіздік туралы сабақ өткізді.  
    Бұл іс-шараның басты мақсаты – облыс су айдындарында балалар қазасын болдырмау, судағы қауіпсіздік туралы білімдерін жетілдіру, төтенше жағдайлардың алдын алу.
    Құтқару бөлімшесінің бас құтқарушысы – Жексембиев Жасұлан су айдынында техника қауіпсіздік ережелері жөнінде түсіндірме жұмыстарын жүргізді. Барлық сауықтыру және демалыс орындарында демалушылармен суда жүзу және суға кеткен адамды құтқару ережелерін сақтау үшін түсініктеме жұмыстарының қажаттілігі туралы айтты.
    Сондай-ақ Оңтүстік өңірлік аэроұтқыр жедел құтқару жасағының құтқарушылары спорттық – танымдық іс – шаралар ұйымдастырды.  Демалушы балалар құмарлықпен және құлшыныспен спорттық ойындарға қатысты, конкурстың қорытындысы бойынша жеңімпаздар мақтау қағаздарымен марапатталды.
    ҚР ІІМ ТЖК «ОӨАЖҚЖ» ММ