Kyzylorda-News.kz

 

    Қарты бар елдің, қазынасы бар деген дана халқымыз. Бүгін, Жалағаш кентіндегі Қ.Қазантаев атындағы аудандық мәдениет үйінде Қарттар күні мерекесіне арналған «Қарттарын қадірлеген ел ардақты» атты мерекелік шара болып өтті. Бұл туралы аудан әкімінің баспасөз қызметінен хабарлады.
    Шара барысында аудан әкімі Талғат Тұрсынұлы Дүйсебаев пен аудандық ардагерлер кеңесінің төрағасы Садық Алиев ардагерлер мен жиналған қауымды мерекемен құттықтап, елге еңбегі сіңген ел ағаларына құрмет көрсетті.
    Мерекелік шарада ауылдардан арнайы келген әжелер ансамблдері мен ақсақалдар өнер көрсетіп, басқа да өнерпаздар мерекеге орай ән мен жырдан тарту жасады.
    Дархан көңіл ақылшы ақсақалдарымыз әрдайым аман болсын!