Kyzylorda-News.kz

 

    Ұлыстың ұлы күніне орай кеше  Жалағаш кентінде ұлттық спорт түрлерінен «Наурыз-думан» атты жарыс өтті. Бағзы заманнан бізге жеткен арқан тартыс, қол күрес, асық ату, бес асық, тоғызқұмалақ сайыстарын тамашалаушылар қатары көп болды.

    Жиналған жұртшылықты Ұлыстың ұлы күнімен аудан әкімінің орынбасары Ж.Тажмаханов құттықтап, ізгі тілегін жеткізді. Наурыздың береке мен бірлікті бекітіп, жарасымды тірлікті насихаттайтын мереке екенін айтқан ол жарысқа қатысушыларға сәттілік тіледі.
    Аудандық ардагерлер кеңесінің төрағасы С.Әлиев, кент ардагерлер кеңесінің төрағасы Б.Көштаев ізгі тілегін білдіріп, ақсақалдар батасын берді. Жиналған қауым  наурыз көжеден дәм татты.
    Сайыс жеңімпаздары дипломдармен және қаржылай сыйлықтармен марапатталды.