ҚАМБАДА МИЛЛИОН ПҰТ
Қызылорда облысының үш жыл қатарынан күріштен рекордтық өнім алуына Сырдария ауданы ерекше үлес қосты. Қатарынан екі жылда «үздік» болған аудан биылғы жылы 29758 гектарға ауыл шаруашылығы дақылдарын екті. Жаз бойы дала жұмысының майталмандары егіннің бітік шығуын қамтамасыз етіп, күтіп-баптады. Ал егін піскенде диқандар қауымы төкпей-шашпай жинап алу қамына кірісіп, науқанды абыроймен аяқтады. Бұл туралы аудан әкімінің баспасөз қызметінен хабарлады.
Қамба қызылға толып, мерейі үстем болған диқан қауымы жаздайғы маңдай тердің өтеуі ретінде облыс жұртшылығы алдында күріш жинауды алғашқылардың бірі болып бітірді. Аудан күрішшілері биылғы жылы егілген 19755 гектар күріш алқабын толық бастырып, орта өнім 55,1 центнерден келіп, ел қамбасына 108850 тонна астық құйылды.
Осылайша, миллион пұт астық жинаған аудан облыстық «Алтын күз - 2015» мерекесінде «Егін шаруашылығы бойынша озат аудан» атанды. Мұндай марапатты Н.Бекежанов атындағы облыстық музыкалық драма театрында облыс әкімі Қ.Көшербаев Сырдария ауданының әкімі Ғ.Қазантаевқа табыс етті.
Салтанатты жиында «Егін шаруашылығы бойынша озат ауданның» ірі шаруашылықтарының бірі «Мағжан және К» ЖШС «Озат егін шаруашылығы» бойынша І орынды иеленсе, ауданның ауыл шаруашылығы саласындағы еңбек озаттары Қожанов Сәрсенбай «Озат бригадир» («Қызылдихан» ШҚ), Ыбыраев Жәнібек «Озат күріш өсіруші» («Мәди Қажы» ЖШС) номинацияларымен марапатталып, бағалы сыйлықтар алды.
Қамба қызылға толып, мерейі үстем болған диқан қауымы жаздайғы маңдай тердің өтеуі ретінде облыс жұртшылығы алдында күріш жинауды алғашқылардың бірі болып бітірді. Аудан күрішшілері биылғы жылы егілген 19755 гектар күріш алқабын толық бастырып, орта өнім 55,1 центнерден келіп, ел қамбасына 108850 тонна астық құйылды.
Осылайша, миллион пұт астық жинаған аудан облыстық «Алтын күз - 2015» мерекесінде «Егін шаруашылығы бойынша озат аудан» атанды. Мұндай марапатты Н.Бекежанов атындағы облыстық музыкалық драма театрында облыс әкімі Қ.Көшербаев Сырдария ауданының әкімі Ғ.Қазантаевқа табыс етті.
Салтанатты жиында «Егін шаруашылығы бойынша озат ауданның» ірі шаруашылықтарының бірі «Мағжан және К» ЖШС «Озат егін шаруашылығы» бойынша І орынды иеленсе, ауданның ауыл шаруашылығы саласындағы еңбек озаттары Қожанов Сәрсенбай «Озат бригадир» («Қызылдихан» ШҚ), Ыбыраев Жәнібек «Озат күріш өсіруші» («Мәди Қажы» ЖШС) номинацияларымен марапатталып, бағалы сыйлықтар алды.
